Hanek

autorzy tworzący na róznych portalach poetyckich, użytkownicy nie zamieszczają tu swoich utworów.
Awatar użytkownika
fobiak
Posty: 15401
Rejestracja: 2006-08-12, 07:01
Has thanked: 12 times
Kontakt:

Hanek

Post autor: fobiak »

Poezjo Makule
Hanysy dali niy działajom to kajś musza do Amidale te wiersze wklejać


W samo wilijo wieczornom porom

Zjechali na doł we trójka szolom

Zjechali na doł na poziom trzysta

Sztajger, metaniorz i sygnalista

A lampy świyciyły im podczas jazdy

Niczym na wiyrchu te śrybne gwiazdy

I tak migały jim we filorze

Tak im migały, tak na Szczyńść Boże

W samo wilijo szli se na szychta

Sztajger, metaniorz i sygnalista

Szli se po glajzach w wilijno nocka

I we filorze siedli na klockach

A lampy świyciyły im podczas jazdy

Niczym na wiyrchu te śrybne gwiazdy

I tak migały jim we filorze

Tak im migały, tak na Szczyńść Boże

Tam się dzielyli małym opłatkiym

Froncek ze Zeflym, Zefel ze Władkiem

I tak wieczerzo jedli na dole

Stare hanysy z modym gorolem

A lampy świyciyły im podczas jazdy

Niczym na wiyrchu te śrybne gwiazdy

I tak migały jim we filorze

Tak im migały, tak na Szczyńść Boże


Jako piykno to betlyjka

Klynczy Józef i Maryjka

Klynczom łoni przi żłóbeczku

I śpiewajom dziecionteczku

Luli luli, luli, luli

Mruczy anioł i trzech króli

Luli, luli, luli

Mały Antek wloz na stołek

Ryczy głośni jak łosiołek

Za nim miałczy kocur bury

I gdokajom stare kury

Luli...

Jako piykno ta betlyjka

ÂŚpiewo Alojz i Nastyjka

Opa ino faja kadzi

Bo już śpiywać niy poradzi



Na pastyrka, na pastyrka,

Przyszło dzisioj ze poł Wiyrka,

Przyszoł by i Wiyrek cały,

Ale kościoł jest za mały

A na chórze a na chórze

Erich grzebie w partyturze

I gro lepi dziś łod Liszta

Bykowiński organista

Na pastyrka, na pastyrka,

Ze Kochlowic i ze Wiyrka,

Przyszło ludzi chyba tela

Jak w Wielkanoc we niedziela

A na chórze, a na chórze

Siedzi śleper we mundurze

Przy nim stoi dwóch galantow

I modnisia we pelcmantlu

Na pastyrka z Polski- Wiyrka

Przyszła cało kawalyrka,

Na wydaniu przyszły frele,

Ciasno w całym jest kościele

A na chórze, a na chórze

Jest goronco jak w bradrurze

Antek stoi jak tyn święty

Chociaż bolom go już piynty

Na pastyrka siyrżant Szpyrka

Prziszoł w nowych oficerkach,

Sztajger Bania w cały gali

Przypion łoziym aż medali

A na chórze, a na chórze

Stoi Richad w nowy skorze.

Przy nim Rołza głośno śpiywo

Bo zaś bajtla sie spodziywo
dajcie zyc grabarzom
ODPOWIEDZ

Kto jest online

Użytkownicy przeglądający to forum: Obecnie na forum nie ma żadnego zarejestrowanego użytkownika i 3 gości